اعتراف
امانة يأبني
وصتيك وصية
يا غالي عليا
تخلي مصر عالية
وترفع راية مصر
فوق كل راية
وهي هدف وغاية
امانة يأبني
ده ابويا وامي هنا
وانت وابنك مني انا
وبكرة هينادي زي انا
دي مصر غالية عليا اوي
ده ابويا وجدي هنا
وبنتي وستي هنا
ده ترابك فيه ريحة دمنا
وبنداري فيه لحمنا
بنحبك يامصر
ده انت ابونا وامنا
واملنا وسعدنا
ده نيلك بييجري في دمنا
يا نبض قلبنا
يا روحنا وحبنا
يا هدفنا كلنا
يا مصر امنا
يا مصر مصرنا
تعيشي لنا كلنا
حبيبة قلبنا
مصريتي
همس الكلام
قومي يأمي
قومي يأمي
قومي يامصر شوفي
ولادك جيبين لك فرحة جديدة
ويمسحوا دمعك بأدهم
من عنيكي الجميلة
دول جيبين شموع
لينور ليل سنينيك الطويلة
انت ماهونتيش عليهم في يوم
ده انت امهم الحبيبة
دول بيغسلوا شعرك
ويفردوه على ربوعك الامينة
قومي يامصر هاتي ايدكي
واسندي على ضهري
ال انحنى من خوفه عليكي
تعالوا ياولاد شيلوا معايا
تعالوا ياشباب ابنوا معايا
ونخلي مصر ست الصبايا
ونلبسها توب الفرح
وده كل منايا
وانت يافجر اطلع
خلي الليل يخلع
وتطلع شمسك
وتنور ارضك
قومي يامصر احضني نيلك
ده جي من بعيد بيغنيلك
مع موجه جايب خيره
ولأرضك لنحصد خيرك
قومي يامصر وارجعي
عزيزة العصر ولا ترجعي
احنا بدمنا هانبنيكي
وبأروحنا هانفديكي
قومي ياست الحسن والحنيه
فتحي ياوردة يامستحية
ده انت غالية اوي يابهية
مكنتيش عارفة غلاوتك
بس اهم ولادك
كتبوا على ارضك بدمهم
وحياتك ما هايرجع
زمن ظلمك وقهرك
ده احنا كتبنا على بدرك
قصة مجدك وفخرك
قومي يأمي وهلليلي
ده اليوم عيدك
يا غالية
قومي يامصر
وان مت
خدي صوتي ورددي
خلي الخونة تسمع
والمنافقين تعرف
ده انا شايل كفني
ومش خايف من موتي
قومي يامصر
وماتخافيش ده انا
من غيرعزك مش عايز اعيش