موعد في الغد








يأجمل وهم صدقته

واجمل حب عشقته

واجمل حلم حلمته

جريت سنين العمر فيه

بنيت اماني القلب عليه

وطويت سنين الألم 

وقلت خلاص الزمان ابتسم


والفرح في القلب اترسم

كنت بعيش الحلم والاماني

وبقول للدنيا مين فيك تاني

ونسيت ايامي ونسيت زماني

واسم حبيبي عنواني

شط الهنى وحرماني


اصل حبيبي بيهواني

وكل يوم في حكاية

في الحب مالهاش نهاية

وسيبني احلم وافرح بيه

واسبح في بحر عنيه

مع ان موجه بيوهمني

اني بسبح ولكني

غريق على شط هواه

والشوق سقيني النار وياه

ومن كتر حلاوته بقول الله

واسرح واستعين بخيالي

وصدقت كل لحظة فيها 

وفي يوم صحيت لقيت

الحلم راح والقلب صاح

وعلى صخر الحقيقة وقع

مكنتش مصدق

لحظة لقيت الهجر اتحسم

والدمع عل الخد اترسم

وبان عل الجبين

 كل اوهام السنين

والعين بتحكي الندم

والقلب بيبكي الألم

والعقل بينعي الامل

والحلم بقى العدم

 والحقيقة انه لا غداً