وحشونا

قلبك راح فين

ياحبيب العين
مش حاسس بأمانه
ولا بيسئل مره بحنانه
ايه جراله زعلان
منى ولا حيران
اوعى يكون زعلان
قوله انا فى بعدك مابنام
ورورحي محتاجه للحنان
اوعى يزعل منى
احسن روحي تسبني
وتجيله وتعيش معاه
ولا اقولك ماهى
سيباني من زمان
وعايشه معاه كمان
واخدت البال والخاطر
وسابت قلبى خلاص مش قادر
ده بيقولى انا معاك مش صابر
سبني اروح معاهم
ولا تيجي انا وانت وراهم
ونشوف حبايبنا ونشم هواهم
دول وحشونا ويارتهم يفتكرونا
بس احنا مش هاننساهم
ده احنا عشنا احلى عمر معاهم
بتشكيلي ليه ياقلبي ماهو
انت بتقول دول حبايبى
اهم نسين ومش فاكرين
بين القلوب تبقي انت مين
اخدوك منى وللفكر سابوك
وفى نار شوقهم حطوك
تقدر تقولى هاتعمل ايه
وهاتنبض تانى ليه
انت معذبني معاك
خلاص انا دوخت وراك
بقيت تغريني بعيونها

وتوهت فى سحرها وفنونها
وراح العمر معاها

تايه فى هواها

ياريت يرجع العمرمن تاني

واعيش تايه زماني
ده انا سمعت منها مرة كلمه
هي في الدنيا اجمل غنوة
تفتكر هى عارفه معناها
وايه ال حصلى وياها
دى ملكت العمر بيها
واخذت العقل ليها
وسبتني معاك نسهر
وندوق الشوق فيها
خلاص بقيت انا وانت
شموع لياليها
بس ياريت تسبنا كده
منورين ليها ولا يجيش
اليوم وتطفي نورنا بأيديها