حلم عمرى

يا حلم عمرى ودنيتى
يا كل املى وفرحتى
حبيتك وده كان خيال
وحلمت بيه من زمان
دنيا الامل والامان
مكنتش فى صورة انسان
لا لا
حورية لبسه فستان
تغنى وترقص كمان
على لحن قلبى

يلحن ويزيد الحان
امنية عطشان
تسقينى الشهد حنان
واقولك هاتى كمان
شوفتك فى احلى مكان
بلون الخضرة والزعفران
بين بساتين الورد والريحان
وردة حمره وشوقى ليك ولعان

والقلب سعيد فرحان
بين الرمش والحاجب

نظرة من العين وقلب دايب
حب ولا عشق ده انا غايب
ده سحر البحر فى عيونك غالب
عصفورة فرحانه بين الاغصان
ترقص تغنى لعنيكِ احلى الالحان
اسمعها واردد وانا والشوق سهران
غزالة شاردة فى الوديان
تنده وتنادى مين مش حيران

يشوف الجمال ولا يكون ولهان

وانت يا ساهر خليك كده هيمان

تستنى نظرة وكلمة حنان
ملاك يهدى القلب للايمان
آية من اياتك يارحمن
سبحانك خالق الجمال
فى صورة انسان
ومن رحمتك وضعت
الريشة فى ايد فنان
ليبدع ويصور
جمالك الفتان
اكتب واكتب كمان
بأيدك يافنان
ابيات تلهب الوجدان
وتوصف هذا الجنان