القرار

ليه كل مأقرب منِك بتبعدى

ممكن تحكى وتتكلمى

ده انا بنيتك جوايا

قصر الشوق وهوايا

وجعلتك كل هنايا

واحلى احلامي ومنايا

فى طريق حياتى ودنيايا

ليه غرامك بقى سبب شقايا

والشقى ده مالهوش نهايه

كل مأقرب منك تبعدى

ومعاك كل الامل

وحتى ضحكتى

ده حبك فى قلبى

زهرة وفرحة

وصورة كمان

لبسه طرحة

شوفى حتى النخله

بتموت فى الدنيا واقفه

وبيمر عليها الزمان

عمرها ماتنسى المكان

ولكن ممكن تنحنى

وترفض ان تكون

عش للطيور او ظل فى الطريق

وتجيب من الهواء نسمه

وللحبايب همسه

وده موعد من المحبوب

يلا ياقلبى اسمعها وتوب

دى بتقول ياما بكت تحتى قلوب

يلا قبل الحزن

ما يبقى عليك مكتوب

وتسمع اغانى العشق وتدوب

يلا ياقلبى خد قرارك

واكتب بأيدك نهاية غرامك