بفكر في حالي
والحال يشكيلي
اصبره والصبر مش كافيني
ده الشوق زايد
ولهيبه كاويني
اعمل ايه فى اللي ناسيني
لو يعلم بحالي
كان يسيب الدنيا ويجيلي
يعطف عليا وبحنانه يسقيني
من عذب حلاوته
وبجماله يرويني
يفرح قلبي وازيد له حنيني
ويطول عمري ويزيد في سنيني
ويشيل من ايامي كل اليمي
وترجع احلامي هنى ايامي
واعيش الليل مع انغامي
واحكيله عن كل غرامي
واسهر فيه مع احبابي
وانسى معاه كل عذابي
ويبقى امبارح ماضي وذكرى
ويجي بكره نور وفكرة
ويبقى اليوم هنى وسرور
وكل دقيقة مدتها تطول
وامسك ايده واقول
انا ليك على طول
انا ليك مخلوق
انا بيك موجود
انا بيك مفتون
انا في حبك معذور
خليك جمبي لاكون
اسعد قلب في كل الكون
.jpg)
المشاركات
ليست هناك تعليقات:
إرسال تعليق