حياتي

ممكن لحظه اراجع فيها حياتي
ممكن لحظه اقولك فيها حكايتي
بس بشرط ماتستعجليش
واسمعيني ولا تقاطعنيش
دي حكايه قلب ماتستغربيش
كان في حياتي ومايلزمنيش
عايش لغيري ولعمري مافيش
جربت مرة وروحت بعيد
خدوا مني قلبي ورجعت وحيد
شوفت الويل ونهاري بقي ليل
وعشت احلام كلها اوهام
قلت فيها كلام ما قلتهوش
كتبت حكايه واحلام وروايا
وحكيت للناس وماتخيلوش
قالوا دي اوهام حاول تنسي وتنام
كتمت سرى وعشت وانا حيران
عايز اصرخ واقول الاه
بس خايف لتزيد عليا جراح
من الم الحب والفراق والحنين
حكيت حكايتي للطير للحجر
وكمان كتبت علي اوراق الشجر
بس خساره جالها الريح خدها وطار
مبقاش فيها غير جرحي الى طال
عشت اداوي جرحي بالنار بالكوى
واسأل الزمان ان يبعد عني الهوى
مرت الايام شهور وسنين
تايه في الدنيا مش عارف انا مين
صدفه غريبه ومش عجيبه
شوفت فيها عيون
قالت مالك كده مهموم ده كله يهون
انسى الماضي وتعالي لقلبي الحنون
امسح دمعك واشفي جرحك
ده زي دفئ قلبي مافيش
هات احزانك وخد قلبي وعيش
ده اليوم في حضني مابينتهيش
ادخل حياتي وانا وانت فيها نعيش
ونكتب حكايه للعمر ماتتنسيش
ونقول للزمن قف ولا تمشيش
17 / 3 / 2009