فكر قبل الندم

اكيد هايجي يوم تندم وتتألم

بس ياريت الندم ينفع لتتندم
ياريت قلبك يدلك وتتعلم
مكنش قلبي عاش في حبك يتألم
ياريت يفيد الندم وتتندم
انا كنت من جرحي بداويك
وكمان من دمعي بسقيك

ابدل حزنك وفرحي اعطيك

عيش انت وعمري كله ليك
آه بس لو كان الحجر ينطق ويتكلم

مكنش يجي يوم تندم ولا تتندم
اكيد انت ضليت الطريق
ومشيت وراء جمالك يغويك
ونظره من العيون بتغريك
بسمه وكلمه ده كل اللى يرضيك
فرحان سعيد من كتر الوجوه حواليك
اوعي تنخدع باعجابهم بيك
انا هاقولك كلمه خليها ادام عنيك
اسمعني قبل ما تعند وحتي ما تودعني
اسمعني قبل ماتندم وتحاول ترجعني
عمري ما هافرح انا فيك
مش هاسيب العذاب يملئ لياليك
لا انا فاتح قلبي ومستنيك
و بشوقي ها داويك وفي عنيه هاخبيك
في طريقك انا فارش رمشي

وبجفني كمان هاغطيك
اوعي تنسي ده انا مخلوق ليك
وعمري ما هاكون الا بيك
ياريت تفهم وتعرف انا بروحي افديك
ودمعه من عنيك هاكون انا الغريق

ده يوم ماتندم ها ندم انا قبليك
دي كلمه قلتها وبقيت الوفي ليك
غرست فيا صورتك وزرعت فيا حبك
وبدمعي كنت تسقيه وقلبي فرحان بيك
قبل ماتهجر وتبعد خذ الروح قبليك

خاليك جمبي نبدء عمر جديد

19 / 3 / 2009