الحل ايه

انت احن قلب ليا

ليه بتعذب فيا

ليه بتشوقني

ليه بتحب تظلمني

وفاكر كده بتكرمني

وانت تقدر تسعدني

بكلمة منك تفرحني

خطوة منك تقربني

للجنه ونعمها

بسمة منك بتسعدني

وانسى الدنيا وشكوتها

لمسة من ايديك

بتوه انا في دنيتها

وتسبني الروح وتعيش فرحتها

واتعذب انا واتوه في حلاوتها

يلا قول كلمة ال بتمناها

ده ضاع العمر وانا بستناها

يلا خليني اعيش في هواها

وتغني الدنيا واغني معاها

ليه

كل ماشوفك يسبوني عيوني

ويتوهوا في عيونيك

وتقفل عليهم رمش جفونك

ليه بتخدهم عندك وتأسرهم

في سحر عيونك وفنونهم

ولما يغيبوا واروح اشوفهم

اتوه انا على شط هواهم

ويخدني الموج اسير وياهم

واغرق كمان في بحورهم

وانا لسه على شط جفونهم

يبقى الحل ايه معاهم

وليه سيباني لهواهم

مد ايديك انقذيني

ده انا مش عارف

على فين وخدني موجهم

خايف يخدوني ولا ارجعشي

وعن اسمي كمان معرفشي

في البعد عنهم مابنامشي

وفي القرب منهم مقدرشي

وانت واقف كمان بتتفرج

وانا بنده بقول الحقني اتحرك

وليه واقف مذهول ومستغرب

مد ايديك اتصرف

ليه عامل نفسك مابتعرف

شايف اللي بيحصل ومش عارف

وكمان عامل نفسك مش فاهم

وتقولي لسه ماشوفتش حاجه

عيد تاني كمان مرة

اخرتها ايه وياك

يا واخد حروف اسمي معاك

ماتقولي فهني ازاي انساك

يارميني في بحر هواك

وسيبني على شط نسياك