لما عيونها جات فى عنيه
عرفت الدنيا جميله ليه
بعد شويه بعدت عنى
قلت الدنيا بتتغير ليه
بعد يومين وتلاته وخمسه
سمعت فى ودنى اجمل همسه
كنت قاعد فى اجمل حته
وشط النيل ادامى
وموجه بيقولى حاول تنسى
بصراحه كنت قاعد
وساند ضهرى كمان على شجرة
عمال اضحك وشاغل فكري
ومش قادر اعرف ايه اللى جرالي
وازاى الموج ده عارف حالي
وسمعت ساعتها
صوت كمانجه بتعزف
مصدقتش وبصيت ورايا
شوفت عيونها تانى وبترمش
قمت قايم واقف على طولي
وقلبى بينط فى صدرى
وبيقول لاء مش معقول
تانى هى نفس العيون
قلت له اسكت وخاليك فى حالك
ده انا اللى لازم اقول
قام ضحك ورد عليا
وقال هتفتى كمان فى العيون
مانت بقالك زمن بتفكر
وتسبنى انا دايما مشغول
انا المرة دى لازم اتحرك
سبني وشوف انا هاعمل ايه
ضحكت وقلت له اتفضل
ورينى كده راح تعمل ايه
قام رايح وماسك ورده
وميل عليها وقال كلمتين
انا ماسمعتش ايه اللى قاله
ولا عرفت هى قالت ايه
بس لقيتها قاعده بتضحك
وتبص عليا بطرف العين
وعلى الشفايف رسمة بسمه
وكانت عايزة تاخد منى العين
قلت بسرعة لازم اهرب
احسن تاخد منى الاتنين
قمت رايح اوام اجيبه
احسن يفكر انه محبوب ومخضرم
قام سبقنى وقالى تعالى
انا قلتلها ده غريق
.jpg)
المشاركات
ليست هناك تعليقات:
إرسال تعليق