نعم اعيش لك وحدك
واوصل ليلى مع فجرك
ويجى نهارى فيه صورتك
اضمها لقلبى واسمع صوتك
تتنهد شوق وحنين
واحكى لها ايام وسنين
مرت علينا ومش حاسين
خايف احسن تطول بينا
ويبقى الحلم امل لينا
بنستناه فى ليالينا
واحنا على شط الهوى واقفين
بنعد موج البحر ومش قادرين
من كتر العد مش عارفين
دى موجه جيه وبتعدى
وموجه جيه من هناك بتهدى
عد انت
ده خلص العد معايا
انا شايف موجه رايحه وجيه
بتحكى للشط عليا
ده بقاله زمان متغرب
خايف يهرب ولا يقرب
وعمال يحسب الف حساب
وبحور الدنيا بقيت له اصحاب
وموجُه كمان بقوله احباب
وكلام على الرمال مكتوب
مش هاتقدر تنسى ولا توب
لف الدنيا يلا وشوف
هاترجع تانى عليه ملهوف
لما تدوق فى بعدك عنه
طعم الهجر وطعم الخوف
.jpg)
المشاركات
ليست هناك تعليقات:
إرسال تعليق