كتير يادنيا
ده انا دوبت من كلمه
وعشقت من نظرة
ورجعت احلم من تانى
بعد مانسيت زمانى
وهربت منى ايامي
راجعه ليه يادنيا
تعيشني فى اوهامي
واشوف الحب فى احلامي
وتخلى العمر يرجع تانى
هى بتعجبك اللآمي
ولا دمعي اللى جارى
ولا عذاب قلب شاري
وفكر عقل غاوي
ياريت يادنيا
تفرحيني من تانى
وتعم الفرحة اركاني
وتملى البسمة كياني
ولا يعرف الحزن مكاني
واعيش العمر من تاني
كله حب واماني
وتشوف الدنيا حناني
مليانه فرح واغاني
اوعديني
عمرك ما تأسى من تانى
وتحرميني من امل زماني
عايش فى وجداني
حبيب العمر وبعد العمر
فى ايه تانى
.jpg)
المشاركات
قصيده رائعه جميل فيها الحوار بينك وبين الدنيا علي الرغم من ان الحوار من جانب واحد لكني احسست في بعض اجزاء القصيده ان الدنيا ترد عليك وتشاركك افراحك واحزانك -- السعاده والالم -- الخ
ردحذفالقصيده بها صور شعريه كثيره وجميله وبالرغم من انها صور مباشره الا انها رائعه وحدمت النص بشكل جيد اعجبني فيها دنا دوبت من كلمه وايضا وتعم الفرحه اركاني اهنئك علي هذه القصيده
سمعه