انت في منامي حلم منايا
وفي الحقيقة خيال ادامي
وانت في عقلي دايما فكرة
عمره ما هيجي يوم وتصبح ذكرى
اسمك دايما على لساني
غنوة جميلة لكل ايامي
كلمة بحبك مش بتكفي
انا عايز اضمك ومش ها يوفي
يل هواك هنى ايامي
وكل منايا تطول احلامي
دي عيونك بحور وبشوفهم
بغرق فيهم ويمسكوني رمشهم
سبني مرة اموت واغرق
احسن مأبقى عايش على شط بحورهم
يلا مدي ايديك وامسكي في ايديا
خليني المس نجوم السما بأيديا
واجبلك منهم عقد ولولي
واشغلك بأيدي دبلة وخاتم
واجبلك كمان طرحة وفستان
وتبقي احلى عروسة لكل زمان
يل عيونك سر الهامي
وكتبت فيهم كمان اشعار
والقلم في ايدي كمان حيران
والقمر كمان بيغيب غيران
ويسبني انا ادامك حيران
يبقى العدل فين والحكمة
يل خلقت الجمال والفتنة
وقلب عاشق كمان على الفطرة
وعين بتحب من اول نظرة
وده صراع داير بينهم
وعقل حاير يصلح بينهم
وهو التاني غيران منهم
ما تقولي اعمل ايه في حالي
ده انا كمان بحب وناوي
ولعشقك جمالك غاوي
ولسحر عيونك هاوي
ونارالشوق كاوي
.jpg)
المشاركات
ليست هناك تعليقات:
إرسال تعليق