كانت بداية اجمل قصة
اول مرة شفته فيها
اثارت في عنيه حيرة
وحقيقي انا انشغلت فيها
مش قادر اصدق
ليه انا مشغول بيها
وقاعد افكر فيها
سرحان في العيون
وازاي بداريهم بالجفون
وجمال الرمش والحاجب
لا ده سحر هواهم غالب
اقول بصراحة
انا حاولت اداري عيوني
احسن منهم تمر لقلبي
وانا عارف شوقي ويأسي
قمت اوام عايز امشي
لقيت عيوني هايسبوني
وكمان قلبي مش عايز يمشي
وبيقولي كمان حاول تنسى
احنا هنا مش حانمشي
وسبوني وبصولها
فرحنين بجمالها وبنورها
وهي كمان فهمهم
وبتعاكس فيهم وبتضحك
وبتخبي عيونها وسحرها
وبتداريهم كمان بشعرها
اعمل ايه بس ياربي
ده انا خايف عليهم منها
احسن تخدهم عندها في قصورها
وتخدهم بعيد وتهاجر
ويسافروا معاها في اصعب رحلة
بين الشوق والنار والفتنة
ومن ساعة ما شفت عيونها
مش عارف حالتي ايه معناها
هل دمعة وبجري وراها
ولا فرحة بتمني خطاها
شئ جوايا بيولع فيا
وقلبي هايم غاوي اذيه
وعيني كمان بترفع رمشي
عايزة تشوفها وما تنامشي
وفجأة وبدون تمهيد
لقتها بتقولي سبهم هنا
وماتخفشي
ومش عايزة استعمل
معاك تهديد
قلتلها لاء عايز قلبي
ومن غير عيوني
مش هاقدر امشي
قالت خلاص خاليك
هنا انت كمان
هتعيش في اجمل بستان
وزهور اشكال والوان
واهو ضي عيوني عليك بان
بصراحة انا فرحت
وطرت كمان من الفرحة
اصل انا كمان هيمان
بعشق فيها وكلي حنان
وبقت كل الدنيا امان
.jpg)
المشاركات
ليست هناك تعليقات:
إرسال تعليق